Երևանի քաղաքապետ Տարոն Մարգարյանի նախաձեռնությամբ Երևանի վարչական շրջանների ժամկետային զինծառայողների ծնողների, մասնավորապես, սոցիալապես անապահով ընտանիքների համար, որոնց երեխաները ծառայում են ՀՀ սահմանամերձ գոտիներում և ԼՂՀ-ում, կազմակերպվեցին այցելություններ զորամասեր:
Նոր Նորքից ևս զորամասեր մեկնելու ցանկություն հայտնած ընտանիքների անդամներին (համապատասխան սոցիալական կարգավիճակ ունեցող) միացան և ուղեկցեցին Նոր Նորք վարչական շրջանի ղեկավար Արմեն Ուլիխանյանը, ինչպես նաև ղեկավարի աշխատակազմի համապատասխան ստորաբաժանումների ներկայացուցիչները: Վարչական շրջանի ղեկավարի կողմից մեկնողներին բաժանվեցին օրհնված խաչեր, որոնք կնվիրվեն զորամասերում մեր երկրի սահմանները պաշտպանող զինվորներին: Տրամադրված համապատասխան փոխադրամիջոցներով վարչական շրջանի ղեկավարի աշխատակազմի վարչական շենքի բակից ներկաները ուղևորվեցին Երևանի քաղաքապետարան, որտեղ կմիանան զորամասեր մեկնողներին:
