Կարմիր խաչի միջազգային կոմիտեն տեղեկություն է տարածել հայ-ադրբեջանական սահմանի մոտ կորած ադրբեջանցի զինծառայողների դիերի դուրս բերման վերաբերյալ։
Ինչպես տեղեկացնում է ադրբեջանական ԱՊԱ գործակալությունը, Կարմիր խաչի միջազգային կոմիտեի ադրբեջանական բաժնի մամուլի ծառայության ղեկավար Իլահա Հուսեյնովան հայտնել է, որ ԿԽՄԿ-ն Ադրբեջանի պետական մարմինների խնդրանքով որպես միջնորդ է հանդես եկել մարդասիրական գործողության իրականացման հարցում։
