Նոր Նորք վարչական շրջանի հ. 111 մանկապարտեզը դարձավ 40 տարեկան. հոբելյանի առթիվ կրթօջախում կազմակերպվել էր տոնական մեծ միջոցառում, որին ներկա էր նաև Նոր Նորք վարչական շրջանի ղեկավար Արմեն Ուլիխանյանը:
Հանդիսությունը նաև հաշվետու միջոցառում էր ավագ խմբերի սաների, ովքեր այս տարի պետք է հաճախեն դպրոց: Ավանդույթի համաձայն Երևանի քաղաքապետ Տարոն Մարգարյանի անունից երեխաներին փոխանցվեցին իրենց դպրոցական առաջին պայուսակներն ու գրենական պիտույքները. հոբելյանի և արգասավոր աշխատանքի համար հ. 111 մանկապարտեզն արժանացավ նաև Նոր Նորք վարչական շրջանի ղեկավարի շնորհակալագրին և տոնական նվերին:
Շնորհավորում ենք կրթօջախին՝ մաղթելով լուսավոր ապագա և բազում վերելքներ սերնդակրթության ազգանվեր առաքելության ճանապարհին:
