Ֆրանսիական Ռոն-Ալպի շրջանում, որի Սեն Կանտեն Ֆալավիե քաղաքի հեղուկ գազի գործարանում ահաբեկչություն է տեղի ունեցել, երեք օրով «Վիժիպիրատ» հակաահաբեկչական ռեժիմի բարձրագույն աստիճան է սահմանվել: ՏԱՍՍ-ի փոխանցամբ, այս մասին Ֆրանսիայի պաշտպանության խորհրդի արտակարգ նիստի ավարտին ունեցած ելույթում հայտարարել է նախագահ Ֆրանսուա Օլանդը:
«Մենք բոլոր ջանքերը գործադրելու ենք, որպեսզի առավել ակտիվ պայքար մղենք ահաբեկչության դեմ»,- ընդգծել է Օլանդը:
Հիշեցնենք, որ այսօր ահաբեկիչը մեքենայով մխրճվել էր Սեն Կանտեն Ֆալավիե քաղաքի Air Products ձեռնարկության դարպասի մեջ: Այնուհետեւ նա պայթեցրել էր գործարանի տարածքում պահեստավորված գազի բալոնները: Տեղեկությունների համաձայն, մեկ մարդ մահացել է, երկու վիրավոր կա:
Ձեռնարկության մուտքի մոտ իսլամիստական կարգախոսներով դրոշ եւ գլխատված մարմին են հայտնաբերել: Ահաբեկիչը ձերբակալված է:
