Ինչպես հաղորդում է ANNA NEWS գործակալությունը, դաշնակիցների օդուժը ավիահարվածներ է իրականացրել Ռաքքայի մատույցներում տեղակայված ԻՊ գրոհայինների հենակետերին:
Իրաքյան քրդերը նոր համալրումներ են ուղարկել սիրիացի հայրենակիցներին:
Ռաքքայի պաշտպանության համար ԻՊ գրոհայինները այստեղ են կենտրոնացրել օտարերկրյա վարձկաններին, որոնք աչքի են ընկնում առանձնակի դաժանությամբ ու առավել մարտունակ են:
Կառավարական ուժերին հաջողվել է որոշակի առաջխաղացում գրանցել Հոմս պրովինցիայում: Ազատագրվել են Թադմորից արեւմուտք ընկած մի քանի բնակավայրեր:
Ավելի վաղ քուրդ աշխարհազորայիններին հաջողվել է ազատագրել Սիրիայի հյուսիսում գտնվող ու ԻՊ խմբավորման վերահսկողության տակ գտնվող ռազմավարական նշանակության Այն-Ասա քաղաքը:
Քրդերի հարձակումը ապահովել է դաշնակիցների օդուժը:
Աշխարհազորայինների տեղեկացմամբ քաղաքին հարող բոլոր բնակավայրերը ներկայումս գտնվում է քրդերի վերահսկողության ներքո:
Ազատագրված քաղաքը գտնվում է ԻՊ գրոհայինների մայրաքաղաք համարվող Ռաքքայից ընդամենը 30 կմ հեռավորությամբ:
Առաջիկայում նախատեսվում է ռազմական օպերացիա՝ այն ազատագրելու համար:
