ՀՀ կառավարության ծրագրով և Երևանի քաղաքապետարանի աջակցությամբ, զոհված, հաշմանդամ զինծառայողների, ծնողազուրկ ու սակավ ապահովված բազմազավակ ընտանիքների դպրոցահասակ երեխաները հունիսի 19-ից հանգստանում են ամառային մարզաառողջարանային ճամբարներում:
Երևանի քաղաքապետ Տարոն Մարգարյանի հանձնարարությամբ պատասխանատուները պարբերաբար այցելում են հանգստացող երեխաներին: Հունիսի 30-ին Հանքավանի «Լուսաբաց» ճամբարում ամառային հանգիստը վայելող նուբարաշենցի երեխաներին տեսակցելու էին եկել վարչական շրջանի ղեկավար Արթուր Կիրակոսյանն ու աշխատակազմի այլ ներկայացուցիչներ, ովքեր տեղում համոզվել են, որ երեխաների ամառային հանգստի կազմակերպման համար ստեղծված են բոլոր պայմանները, ինչի մասին ավելի ուշ իրազեկել են նաև երեխաների ծնողներին:
Վարչական շրջանի ղեկավարի կողմից երեխաներին բաժանվել են նվերներ և քաղցրավենիք: