Լևոն Սաքունցը ծնվել է 1986 թվականին՝ Երևանում: Ընտանիքը տեղափոխվել է Ֆրանսիա, երբ 13 տարեկան է եղել:
Պապը, ով ծնվել է Ֆրանսիայի Վիեն քաղաքում, 1947 թվականին ընտանիքի հետ միասին, ինչպես և շատ ֆրանսահայ ընտանիքներ, տեղափոխվել է Հայաստան: Հետաքրքիր զուգադիպությամբ՝ 13 տարեկանում:
Հետագայում ընտանիքիը տեղափոխվել է Ֆրանսիա՝ պապի ծննդավայր Վիեն քաղաք:
Քաղաքականության մեջ առաջին քայլերը 2007 թվականին էին՝ Ֆրանսիայի նախկին նախագահ Նիկոլա Սարկոզիի նախընտրական քարոզարշավի ժամանակ: Այդ ժամանակից ի վեր՝ Լևոն Սաքունցը աջակողմյան «Ժողովրդական շարժում միություն»(UMP) կուսակցության ակտիվ անդամ է, որի կազմում է նաև ճանաչված քաղաքական գործիչ Պատրիկ Դևեջյանը: 2012 թվականից նաև կուսակցության խորհրդի անդամ է: Քաղաքական կյանքին զուգահեռ ակտիվ մասնակացություն ունի համայնքային կյանքին: Նաև Հայաստան հիմնադրամի խորհրդի անդամ է և ակտիվորեն մասնակցում է հեռուստափառատոնի կազմակերպչական աշխատանքներին:
Մարտի 23-ին Ֆրանսիայում տեղական ինքնակառավարման մարմինների ընտրություններ են տեղի ունեցել: Ֆրանսիական Վիեն քաղաքի փոխքաղաքապետ է ընտրվել մեր հայրենակից 27-ամյա Լևոն Սաքունցը:
