2015-ի հուլիսի 1-ից Ուկրաինայի իշխանությունները 14,4 տոկոսով թանկացրել են Ղրիմին մատակարարվող էլեկտրաէներգիայի գինը:
«Ռոսսիյսկայա գազետա»-ի փոխանցմամբ` համապատասխան հայտարարություն է արել Ուկրաինայի էներգետիկայի և ածխարդյունաբերության նախարար Վլադիմիր Դեմչիշկինը:
Միևնույն ժամանակ նույն Ղրիմում Գների և սակագների պետական կոմիտեն հուլիսի 1-ից 15 տոկոսով թանկացրել է էլեկտրաէներգիայի գինը:
Ներկա դրությամբ Ղրիմում ընդհանուր էլեկտրասպառումը կազմում է 800 մեգավատ, որից միայն մոտ 500-ն է արտադրվում թերակղզում, իսկ մնացածը մատակարարվում է Ուկրաինայից:
Նախօրեին ԶԼՄ-ները հայտնել էին, որ Ուկրաինան դադարեցրել է էլեկտրաէներգիայի մատակարարումը Ղրիմ:
