Ֆրանսիայի կառավարությունը մերժել է Ջուլիան Ասանժին

Ֆրանսիայի իշխանությունները չեն կարող բավարարել WikiLeaks սկանդալային կայքի հիմնադիր Ջուլիան Ասանժի դիմումը՝ երկրի տարածքում նրան քաղաքական ապաստան տրամադրելու մասին: Այս մասին հայտնում է ՌԻԱ նովոստին՝ հղում անելով  Ելիսեյան պալատի հայտարարությանը։

Հիշեցնենք, որ Ասանժն այսօր ֆրանսիական Le Monde թերթի էջերից դիմել էր Ֆրանսիայի նախագահ Ֆրանսուա Օլանդին՝ խնդրելով իրեն քաղաքական ապաստան տրամադրել:

Նշենք, որ Ասանժը 2012 թվականից թաքնվում է Լոնդոնում Էկվադորի դեսպանատանը։