Ամբողջ աշխարհում մեծ տարածում գտած հեռախոսազանգերի ծածկագրման տեխնոլոգիան հեշտությամբ կարող է հաղթահարվել Ազգային անվտանգության գործակալության կողմից: Այս մասին գրում է The Washington Post-ը:
Համաձայն ԿՀՎ նախկին աշխատակից Էդվարդ Սնոուդենի գաղտնազերծած փաստաթղթերի՝ հատուկ ծառայությունը հնարավորություն ունի ապակոդավորել միլիոնավոր հեռախոսազանգերի և հաղորդագրությունների մեծ մասը:
Այսպիսով, գործակալությունը հնարավորություն ունի նաև գաղտնալսելու մասնավոր հեռախոսազրույցները:
Թերթը նշում է, սակայն, որ ԱԱԳ-ն կարող է ապակոդավորման նոր միջոցի դիմել, ինչը բավականին ծախսատար է և մասնավոր հեռախոսազանգերը գաղտնալսելը դարձնում է պակաս նպատակահարմար:
