Թուրքիայում կայացել է նախագահ Ռեջեփ Թայիփ Էրդողանի նորակառույց 1150-սենյականոց պալատի և նրա տարածքում կառուցված մզկիթի հանդիսավոր արարողությունը։ Այս մասին գրում է Hurriyet Daily News-ը։
Սակայն Թուրքիայում ոչ բոլորն են ուրախ այս տեսակ պետական միջոցների վատնելու համար։
Նախագահական պալատի տարածքում բացված այս մզկիթը, որը դարձել է Անկարայի ամենամեծ մզկիթներից մեկը, կարող է 3.000 հավատացյալ ընդունել, դրա չորս՝ 40 մետր բարձրությամբ մինարեթները տեսանելի են քաղաքի բազմաթիվ անկյուններից: Էրդողանը նշել է, որ բացի նախագահական պալատում աշխատող անձնակազմից, մզկիթը բաց կլինի նաև բոլոր քաղաքացիների համար, ովքեր մզկիթ կմտնեն առանձին մուտքից:
