Բաղրամյան պողոտան շարունակում է փակված մնալ: Այնտեղ հավաքված երիտասարդները հայտարարում են, որ ոչ թե ցուցարարներն են փակել Բաղրամյան պողոտան, այլ հենց ոստիկանները:
Նշենք, որ մի ժամ առաջ Երևանի փոխոստիկանապետ Վալերի Օսիպյանը ցուցարարներին հորդորում էր ինքնակամ ապամոնտաժել բարիկադները, հեռացնել աղբամանները և ազատել Բաղրամյան պողոտան:
Մի խումբ երիտասարդներ հայտարարում են, որ եթե ոստիկանները ցանկանային ազատել պողոտան, դա վաղուց կանեին: Նրանց խոսքով, եթե ոստիկանները ոչինչ չեն ձեռնարկում այդ ուղղությամբ, հետևաբար` հենց իրենց է ձեռնտու պողոտան փակ պահել:
Երիտասարդները նաև հայտնում են, որ աղբարկղներն իրենց ինքնապաշտպանության համար են, և իրենք չեն պատրաստվում դրանք ապամոնտաժել:
