Twitter սոցցանցում հայտնված գրառումը, որն արել է ԱՄՆ-ից հասարակայնության հետ կապերի գծով մասնագետը, վրդովմունքի ալիք է առաջացրել օգտատերերի շրջանում, գրում է BBC-ի ռուսական ծառայությունը։
Իր միկրոբլոգում Ջասթին Սաքոն գրել է. «Գնում եմ Աֆրիկա: Հուսով եմ՝ ՁԻԱՀ-ով չեմ վարակվի: Կատակում եմ: Ես սպիտակ եմ»:
Դեռ հայտնի չէ, թե Ջասթինն ինքն է դա գրել, թե նրա հաշիվը կոտրել են:
Կազմակերպությունը, որտեղ աշխատում է գրառման հեղինակը, դատապարտել է իր աշխատակցուհու քայլը, սակայն չի կարողացել նրա հետ կապվել, քանի որ նա գտնվել է թռիչքի մեջ:
Ներկայում և՛ Twitter-ի հաշիվը, և՛ հաղորդագրությունը հեռացված են:
