Բրիտանական ոստիկանությունը հետաքննում է, թե ինչպես են մոտ 100 հզ. դոլարին համարժեք ֆունտ սթեռլինգ թղթադրամները հայտնվել Սփոլդինգ քաղաքի մոտակա գետում:
Գետով լողացող թղթադրամները հայտնաբերել է անցորդը, ով զբոսնելիս է եղել շան հետ: Ըստ ոստիկանության տվյալների՝ որոշ թղթադրամներ տուժել են, սակայն դրանց մեծ մասի վիճակը բավականին բարվոք է:
Հիմա պարզվում է փողերի տիրոջ ինքնությունը, ով ստիպված կլինի ապացուցել, որ դրանք իր մոտ հայտնվել են օրինական ճանապարհով, և բացատրել, թե ինչպես են փողերը հայտնվել գետում:
