Նորաձևության ոլորտի մասնագետները նշում են, որ 2014թ. գերիշխող գույնը լինելու է աչք շոյող ու երևակայությունը գործի դնող վարդագույնը, տեղեկացնում է Daily Mail-ը։
Տարվա նորաձև երանգների կանխատեսմամբ զբաղվող Pantone Color Institute ամերիկյան ընկերության մասնագետների կարծիքով՝ այս գույնը կրողին յուրահատուկ հմայք է հաղորդում։
Այս երանգն անպակաս է եղել հայտնի նորաձևության տների 2014թ. գարուն /ամառ հավաքածուների ցուցադրությունների ժամանակ, ինչը վկայում է, որ եկող տարում վարդագույն հագուստ ու պարագաներ կրող մարդկանց թիվը կտրուկ կավելանա։
Ի դեպ, Pantone-ի կանխատեսումները մեծ հեղինակություն են վայելում, և բոլորը՝ սկսած հագուստի դիզայներներից մինչև կահույքագործներ, հետևում են դրանց։
