Ավստրալիայի Քուինսլենդ նահանգում երկնքից 100 հազար սատկած չղջիկ է ընկել, հայտնում է Huffington Post-ը` նշելով, որ գիտնականները բացատրել են այդ երևույթի պատճառը:
Ավստրալիայի հյուսիս-արևելյան այդ նահանգում գրանցված արտասովոր միջադեպի պատճառն ամենայն հավանականությամբ շոգն է եղել:
Շրջանում անոմալ շոգեր են: Կենդանիների դեմ բռնության կանխման թագավորական ընկերակցությունը հաստատել է 100 հազար չղջիկների սատկելը` դա անվանելով աղետ նրանց համայնքների համար:
Ավստրալիայում այժմ 43 աստիճան և ավելի տաքություն է, իսկ գիտնականներն արձանագրում են, որ հենց այդ ջերմաստիճանի պայմաններում չղջիկների անկում է սկսվում:
Տեղացիները դժգոհում են, որ տեղական իշխանություններն անմիջապես չեն հավաքում սատկած կենդանիներին:
