Ապրիլին տեղի կունենա հեղինակավոր ամենամյա Համաշխարհային երաժշտական մրցանակաբաշխությունը՝ «World Music Awards», որին մասնակցում են աշխարհի լավագույն դերասանները` բոլոր աշխարհամասերից: Այս մասին տեղեկանում ենք Սիրուշոյի ֆեյսբուքի էջից: Սա առաջին դեպքն է, երբ Հայաստանից ներկայացուցիչ է ներգրավված այս համաշխարհային մրցանակաբաշխությանը:
Այն, որ Սիրուշոն Հայաստանում ամենահայտնի ու քննարկվող երգչուհիներից է, անքննելի է: Արտասահմանյան շոու բիզնեսում հստակ քայլեր անող և տարին տարվա վրա իր դիրքերն այնտեղ ամրապնդող երգչուհին առաջինը կլինի Հայաստանից, ով կմասնակցի երաժշտական միջազգային այդ ամենահայտնի մրցանակաբաշխություններից մեկին:
Սիրուշոն ներկայացված է երեք անվանակարգերում.
Լավագույն երգչուհի
Լավագույն երգ (PreGomesh)
Լավագույն տեսահոլովակ (PreGomesh):
Երգչուհին ֆեյսբուքյան իր էջում երաժշտական հեղինակավոր այդ մրցանակաբաշխությանը մասնակցելու կապակցությամբ գրել է. «Այս մրցանակաբաշխությանը ներկայացված լինելը մեզ համար արդեն մեծ նվաճում է:
Ցանկացողները մեր մասնակցի օգտին կարող են քվեարկել «World Music Awards»-ի պաշտոնական կայքում:
