Պորտուգալիայի հավաքականի և Մադրիդի «Ռեալի» առաջատար Կրիշտիանու Ռոնալդուն, ով այս օրերին հանգստանում է Լաս Վեգասում, բջջային հեռախոս է գտել և վերադարձրել այն տիրոջը:
Ֆուտբոլիստը անմիջապես փնտրել է հեռախոսը կորցրած աղջկան, վերադարձրել այն և աղջկան հրավիրել ընթրիքի:
Այս մասին աղջիկը գրել է Ինսթագրամում և Ռոնալդուի հետ լուսանկար հրապարակել:
Օսթին Վուսթենհյուլն Ինսթագրամի իր միկրոբլոգում մասնավորպես գրել է.
«Վատ նորություններ՝ երկու օր առաջ կորցրել էի հեռախոսս: Լավ նորություններ՝ այն գտել էր Կրիշտիանու Ռոնալդուն: Ավելի լավ նորություն՝ անցյալ երեկո նա ինձ հրավիրել է ընթրիքի»:
