Այսօր մենք ալրաղաց ձեռք բերեցինք, այժմ ես արդեն ղարաբաղցի ալյուր արտադրող եմ: Ռուսական Вести-ին լրատվականին տված հարցազրույցում անդրադառնալով իր` Լեռնային Ղարաբաղում բնակություն հաստատելուն` նշել է ռուսաստանցի հայտնի գործարար Գերման Ստերլիգովը:
«Այսօր մենք աղացել ենք ալյուրի առաջին պարկը և վաղը ես այն արդեն կկարողանամ վաճառել: Դա կլինի Ղարաբաղում վաստակած իմ առաջին գումարը, այնպես որ մենք հետայսու ապրելու միջոց ունենք»,- նշել է Ստերլիգովը:
Աղբյուրի փոխանցմամբ` Ստերլիգովը Լեռնային Ղարաբաղում զբաղված է իր ֆերմայի համար համապատասխան տարածք որոնելով, ուստի այդ նպատակով գրեթե ողջ օրն անց է կացնում լեռներում:
Աղբյուրը նկատում է, որ Ստերլիգովը իր ոճի մեջ է և մինչև վերջին պահը չի բացահայտում, թե որն է տեղափոխության պատճառը: Ըստ աղբյուրի` այդ մասին նույնիսկ հարազատները տեղյակ չեն:
Մանրամասները՝ տեսանյութում
https://www.youtube.com/watch?v=fMTrsLj-h8U
