Հունգարիան խստացրել է ուկրաինական սահմանագծում ուկրաինացիների անցագրային ռեժիմն ու ստուգումները:
Լրատվամիջոցների հաղորդմամբ Հունգարիայի նման գործողությունների պատճառ են հանդիսացել Կարպատներում նախօրեին ծավալված զինված ընդհարումները:
Տեղեկությունների համաձայն հունգարացի սահմանապահները մանրակրկիտ կերպով ստուգում են սահմանը հատող ուկրաինացիներին ու տրանսպորտը, անցակետերում տեղակայվել են լրացուցիչ ոստիկանական ուժեր:
Հիշեցնենք, որ Մերձկարպատների Մուկաչեւո բնակավայրում նախօրեին փոխհրաձգություն էր տեղի ունեցել Աջ սեկտորի գրոհայինների ու իրավապահների միջեւ, ինչի հետեւանքով զոհվել էր 2, իսկ վիրավորվել՝ 11 մարդ:
