Ինչպես հաղորդում է Ռիա Նովոստի գործակալությունը, ԱՄՆ ղեկավար մարմինները Ուկրաինայի վարչապետ Յացենյուկին հիշեցրել են երկրում իրագործվող ռեֆորմների կարեւորության մասին ու միաժամանակ խոստացել շարունակել Ռուսաստանի դեմ պատժամիջոցները:
Օբաման ու Բայդենը սահուն կերպով շրջանցել են մինսկյան համաձայնությունների կատարման գործընթացում Կիեւի բացթողումները:
Յացենյուկը պաշտոնական պատվիրակությամբ գտնվում է Վաշինգտոնում, որտեղ մասնակցել է ներդրումային ֆորումի աշխատանքներին: Այստեղ նա հանդիպում է ունեցել նախագահ Օբամայի ու փոխնախագահ Բայդենի հետ:
Օբաման հայտարարել է, որ Միացյալ նահանգները պաշտպանում են Ուկրաինայի ինքնիշխանության ու տերիտորիալ անձեռնմխելիության գաղափարն ու Ռուսաստանի դեմ պատժամիջոցները կշարունակվեն, քանի դեռ վերջինս ամբողջությամբ չի կատարել մինսկյան համաձայնագրերի իր պարտավորությունները:
