Ինչպես հաղորդում է Ռիա Նովոստի գործակալությունը, Բրյուսելում տեղի ունեցած համաժողովում Հունաստանի վարչապետ Ցիպրասը ենթարկվել է լուրջ ճնշումների:
Այս մասին հայտնել է Հունաստանի պաշտպանության նախարար Պանոս Կամենոսը, նշելով, որ Գերմանիայի, Նիդերլանդների ու բալթյան երկրների պատվիրակները սպառնացել են հեղաշրջմամբ ու Ցիպրասի պաշտոնանկությամբ:
Նախարարի խոսքերով, Ցիպրասին սպառնացել են համաձայնագրի չստորագրման դեպքում կաթվածահար անել Հունաստանի բանկային համակարգն ու այսպիսով շանտաժի միջոցով հասնել իրենց նպատակին, ուստի վարչապետը ստիպված է եղել տեղի տալ:
Վերջում նա ավելացրել է, որ կնքված համաձայնագիրը ոտնահարում է հույն ժողովրդի շահերն ու ինքնիշխանությունը ու հակասում հանրաքվեի արդյունքներին:
