Հուլիսի 19-ին վրացական համեղ և բացառիկ ուտեստներով հագեցած «Սուլիկո» վրացական ռեստորանը նշեց իր մեկ ամյակը: Այդ կապկցությամբ ռեստորան էին այցելել մշտական հաճախորդները, վրացական ուտեստների սիրահարներն ու ընկերները, ովքեր հաճելի և ուրախ մթնոլորտում նշեցին արդեն հարազատ վայր դարձած «Սուլիկո» ռեստորանի մեկ ամյակը:
Ռեստորանի տնօրեն Արևիկ Ավետիսյանը նշեց, որ վրացական ռեստորան բացելու գաղափարն առաջացել է, քանզի Երևանում նման տեսակի ռեստորան չկար:
«Քանի որ հայերը մեծ սիրահար են վրացական ուտելիքների, որոշեցինք, որ պետք է անպայմանորեն վրացական համեղ խոհանոց ունենալ Երևանում: Վրաստանից հրավիրեցինք պրոֆեսիոնալ խոհարարների, ովքեր պատրաստում են հիմնականում կովկասյան կերակուրներ, բայց այստեղ հիմնականում գերակշռում են հենց վրացական ուտեստները»,-նշեց նա:
«Սուլիկո» ռեստորանի հենց մուտքից անմիջապես զգացվում է վրացական կոլորիտը, սրահներում ևս ամբողջ ինտերիերը վրացական մոտիվներով է արված, իսկ պատերին հին Թբիլիսիի նկարներն են: «Սուլիկո» ռեստորան են այցելում ոչ միայն երևանցիները, այլև վրացիներ ու այլ ազգի ներկայացուցիչներ, ովքեր, տեղյակ լինելով վրացական խոհանոցի անկրկնելի համ ու հոտին, երբեք անտարբեր չեն անցնում ռեստորանի կողքով: Ռեստորանը շատ հարմար է հյուրասիրությունների, ծննդյան տոների, ինչպես նաև մշակութային միջոցառումների անցկացման համար: Այստեղ խոհանոցը կովկասյան է, մասնավորապես՝ վրացական: Այստեղ կարող եք համտեսել վրացական ամենահամեղ ուտեստները՝ սառը խորտիկներ, տաք ուտեստներ, աղցանները:
Տնօրենը մեզ հետ զրույցում նաև տեղեկացրեց, որ շատ շուտով Լեո 52 հասցեում հաճախորդների պահանջով կբացվի «Սուլիկո»-ի երկրորդ մասնաճյուղը, որը կշարունակի ռեստորանի ավանդույթները:
Ռեստորանը ունի մի շարք մրցանակներ և պատվոգրեր: Առևտրի, սննդի և սպասարկման ոլորտներում անցկացրած մոնիթորինգի արդյունքներով էլ «Սուլիկո» ռեստորանը ճանաչվել է լավագույնը:
https://www.youtube.com/watch?v=oIWhydrldf8&feature=youtu.be
Լուսանկարները` Irest.am-ի:
Տեսանյութը` Shabat.am-ի:
