Ria.ru կայքի փոխանցմամբ՝ Թուրքիայի վարչապետ Ահմեթ Դավութօղլուն, մեկնաբանալով Սիրիայի տարածքում ԴԱԻՇ-ի դիրքերին զինված ուժերի հասցրած հարվածները, հայտարարել է, որ ԴԱԻՇ-ի դեմ անցկացված գործողությունը հասել է իր նպատակին:
Ահմեթ Դավութօղլուն հայտնել է, որ Անկարան պարտավոր չէ պաշտոնական Դամասկոսին հայտնել անցկացվող գործողությունների մասին։ Որոշումն ընդունվել է Անկարայում, և այն իրագործվել է։ Թուրքիան հարկադրված է ապահովել իր անվտանգությունը։
