Հայաստանի կրթության եւ գիտության նախարարությունում ամփոփվել են ՀՀ պետական եւ ոչ պետական բարձրագույն ուսումնական հաստատությունների 2015 թվականի ընդունելության միասնական քննություններից հետո թափուր մնացած տեղերի համար հայտարարված մրցույթի արդյունքերը: Դրական միավորներ ստացած, սակայն մրցույթը չհաղթահարած դիմորդներին հնարավորություն էր տրվել նոր դիմում- հայտեր ներկայացնել:
Ըստ ամփոփված արդյունքների՝ 312 դիմորդ դարձել են ուսանող: 188 հոգի ընդունվել է Հայաստանի ազգային ագրարային համալսարան, 45 հոգի՝ Երեւանի Խ. Աբովյանի անվան պետական մանկավարժական համալսարան, 24 հոգի՝ Վանաձորի Հ. Թումանյանի անվան պետական համալսարան եւ 32 հոգի՝ Երեւանի պետական համալսարան: Ընդհանուր առմամբ՝ այս տարի ՀՀ պետական եւ ոչ պետական բուհեր են ընդունվել 11 176 դիմորդ:
