Բոբբի Քրիստինա Բրաունը՝ երգչուհի Ուիթնի Հյուսթոնի և Բոբբի Բրաունի միակ երեխան, կիրակի օրը՝ հուլիսի 26-ին, մահացել է: Այս մասին NBC News-ին հայտնել է նրա ընտանիքը:
«Նա վերջապես հանգիստ գտավ աստծո մոտ: Մենք ևս մեկ անգամ ուզում ենք շնորհակալություն հայտնել բոլորին մեծ սրո և անսահման ուշադրության համար », — ասել են մահացածի հարազատները:
22-ամյա Բրաունը կոմայի մեջ էր հունվարի 31-ից, երբ նրա քաղաքացիական ամուսին Գորդոնը ուշագնաց գտել էր նրան լոգարանում: Ընտանիքի անդամները հայտնել են, որ աղջկա մոտ հայտնաբերվել էր գլխուղեղի անդառնալի վնասվածք:
Գորդոնի դեմ դատական հայց է ներկայացվել առ այն, որ Բոբբին մինչև կոմայի մեջ ընկնելը վիճել էր Գորդոնի հետ:
Հայցորդի պնդմամբ, Բրաունը կյանքի համար վտանգավոր մարմնական վնասվածքներ էր ստացել Գորդոնի պահվածքի պատճառով: Հայցում նաև նշվում է, որ Գորդոնը ծեծել է Քրիստինային , որպեսզի վերջինս նրան տա մոր կողմից ժառանգած նշանակալի հարստությունը: Ասվում է նաև, որ Քրիստինայի կոմայի մեջ եղած ժամանակ Գորդոնը նրա հաշվեհամարից գողացել է 11 հազար դոլար:
Գորդոնը Ուիթնի Հյուսթոնի որդեգրած տղան էր, ով Հյուսթոնի մահից հետո սկսել է հանդիպել Քրիստինայի հետ: 2012 թվականին զույգը սկսեց ներկայանալ որպես կին և ամուսին, սակայն պաշտոնապես նրանք երբեք ամուսնացած չեն եղել:
Հիշեցնենք, որ Ուիթնի Հյուսթոնը մահացել է 2012թ-ի փետրվարի 11-ին Բեվերլի-Հիլլզի հյուրանոցներից մեկում: Նրա մարմինը լոգարանում գտել էր բարեկամուհին:
