«Թալիբան» արմատական աֆղանական շարժումը հերքել է իր առաջնորդի՝ մուլլա Մուհամմադ Օմարի մահվան մասին լուրը։
Համապատասխան հայտարարությունն արել է թալիբների պաշտոնական ներկայացուցիչ Կարի Յուսեֆ Ահմադին՝ փոխանցում է Sky News-ը։
Նրա խոսքով՝ Օմարը ողջ է և շարունակում է ղեկավարել շարժումը։
Հիշեցնենք, որ ավելի վաղ հաղորդել ենք, որ Աֆղանստանի իշխանություններն առաջին անգամ հաստատել էին թալիբների պարագլխի մահը։ Նշվում էր, որ նա մահացել է մոտ 2 տարի առաջ՝ հիվանդությունից։
