ԱՄՆ-ը ռուսական ընկերությունների եւ ռուս որոշ գործարարների նկատմամբ նոր պատժամիջոցներ է սահմանել: Այդ մասին հայտարարվում է ԱՄՆ ֆիննախի կայքում: Պատժամիջոցները վերաբերվում են «Ռոսնեֆտ»-ին, Ռուսաստանի ներդրումային բանկին, մի շարք այլ բանկերի:
Թարմացված «սեւ ցուցակում» ներառվել են Ռոման Ռոտենբերգը, Սերգեյ Կուրչենկոն եւ Ուկրաինայի նախկին նախագահ Վիկտոր Յանուկովիչի որդին` Ալեքսանդր Յանուկովիչը:
Ընդհանուր առմամբ Վաշինգտոնը պատժամիջոցներ է սահմանել 11 ֆիզիկական եւ 15 իրավաբանական անձանց նկատմամբ, որոնք որեւէ կերպ կապ ունեն Ուկրաինայի դեպքերի հետ:
