Մայրաքաղաքի սանիտարական մաքրությունն ու բարեկարգումը մշտապես ուշադրության կենտրոնում պահելու նպատակով, վարչական շրջանների ընդհանուր օգտագործման տարածքներում շարունակվում են տեղային շաբաթօրյակները:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ ներգրավված են համատիրությունների, սանմաքրման ծառայությունների, պատասխանատու այլ կառույցների աշխատակիցներն ու տեխնիկական միջոցները: Մաքրման աշխատանքների հիմնական շեշտը դրվել է բակային տարածքների վրա:
Միջոցառումներին` այդ թվում բակերը մաքրելու գործին, մասնակցել են նաև բնակիչները: Կուտակված աղբը տեղափոխվել է աղբավայրեր:
