Այսօր լրագրողների հետ հանդիխպմանը գաստրոէնտերոլոգ-թերապևտ Աննա Մարտիրոսյանը նշեց, որ սննդային թունավորումներից խուսափելու համար առաջին հերթին պետք է մտածել ի՞նչ ենք գնում, ի՞նչ ենք պատրաստում ու ի՞նչ ենք մատուցում:
«Կաթնամթերքը հնարավորինս պետք է թարմ լինի, կաթը և նրա հետ բոլոր խառնուրդնեը կարող են այս սեզոնին խնդիրներ առաջացնել, պսատերիզացված կաթն ավելի արագ փչացող է: Պաղպաղակը չի կարելի օգտագործել հալեցրած և նորից սառեցրած պաղպաղակ, իսկ մնացածը մնում է արտադրողների խղճին՝ թե ինչ են մեզ մատուցում»,- մանրամասնեց մասնագետը:
Մասնագետի խոսքով՝ այս սեզոնին միրգն ու բանջարեղենը կարելի է օգտագործել անսահմանափակ, իհարկե անպայման պահպանելով հիգիենայի բոլոր կանոնները:
Նա տեղեկացրեց, որ այս շրջանում շատ են ձմերուկային դիետաներ պահվում, սակայն ձմերուկը հաճախ է դառնում թունավորման պատճառ: Մասնագետը կոչ արեց բոլորին, հատկապես հղիներին, ձմերուկը չչարաշահել:
Վերջում մասնագետը խորհորդ տվեց օրական սնվել 4-5 անգամ՝ քիչ չափաքանակով, իսկ թունավորման նախանշանների դեպքում ինքնաբուժությամբ չզբաղվել, այլ դիմել բժշկի:
