Interfax.ru լրատվական կայքի փոխանցմամբ՝ ՌԴ Իստրինսկի ջրամբարում վթարի ենթարկված Cessna U206F մակնիշի հիդրոպլանը թռչելու համար անհրաժեշտ սերտիֆիկատ չի ունեցել:Բացի այդ օդաչուն քաղաքացիական ավիացիայի վկայագիր չի ստացել:
Այդ մասին հայտնել են ՌԴ օդային տրանսպորտի Դաշնային գործակալությունը:
Հիշեցնենք` օգոստոսի 8-ին` ժամը 20.15-ի սահմաններում Մոսկվայի մարզի Իստրինսկի ջրամբարի մոտ դեռևս չբացահայտված հանգամանքներում բախվել էին «Սեսսնա 206» մակնիշի հիդրոպլանը և «Ռոբինսոն 44» մակնիշի ուղղաթիռը, ինչի հետևանքով մահացել էր 9 մարդ, որոնց թվում էին նաև Cessna U206F մակնիշի օդանավի ուղևորներ Հայաստանի քաղաքացիներ` 28-ամյա Պարույր Նորիկի Մանուկյանը, 23-ամյա Լարիսա Վրեժի Մանուկյանը, 10-ամյա Օֆելյա Ազատի Գլեչյանը, ինչպես նաև 8-ամյա Էրիկ Ազատի Գլեչյանը: Դեպքի առթիվ ՌԴ քննչական կոմիտեում թռիչքային անվտանգությունը խախտելու համար հարուցվել էր քրեական գործ:
Մանրամասները՝ այստեղ
