Գյումրիում գտնվող ռուսական ռազմաբազայում գործող 5-րդ կայազորային ռազմական դատարանում ընթացող նիստում մեղադրող դատախազը ռուս զինծառայող Վալերի Պերմյակովի համար պահանջեց 10 տարվա ազատազրկում` խիստ ռեժիմով:
«Պերմյակովի արարքը սեպ է խրել հայ-ռուսական դարավոր եղբայրական երկրների հարաբերությունների միջև, խաթարել ռուսական ռազմական ուժերի նկատմամբ հավատը», -հայտարարեց դատախազը իր ճառում:
Ամբաստանյալ Պերմյակովը հրաժարվեց ներկայացնել պաշտպանական ճառը: Այսօր ժամը 19:00-ին կհրապարակվի այս գործով դատավճիռը: