««Ժողովուրդ»–ին հայտնի դարձավ, որ ՀՀ հանրային ծառայությունները կարգավորող հանձնաժողովն առաջիկայում 10 միլիոն դրամով կտուգանի «Հայաստանի էլեկտրական ցանցեր» ՓԲԸ-ին։ Համապատասխան տուգանքը ՀԾԿՀ-ն պատրաստվում է ՀԷՑ-ի նկատմամբ կիրառել երկու որոշումներով որոնցից յուրաքանչյուրով ընկերությունը կտուգանվի 5-ական միլիոն դրամ։ Երկու դեպքում էլ պատճառը գրեթե նույն է։ Մի դեպքում քաղաքացին, իսկ մյուսի պարագայում ընկերությունը դիմել են ՀԷՑ– ին՝ էլեկտրական ցանցին միանալու համար։ Սակայն ՀԷՑ-ը օրենքով նախատեսված ընթացք չի տվել այդ դիմումներին։
Մասնավորապես, էլէներգիայի սպառման համար քաղաքացուց ՀԷՑ-ը պահանջել է սեփական միջոցներով իրականացնել ցանցին միանալու աշխատաևքները, որոնք պետք է կազմեին 3 մլն 563 հազար դրամ։ ՀԷՑ-ն իր առաջարկը պատճառաբանել է ընկերության ծանր տնտեսական կացությամբ։ Իսկ քաղաքացուն խոստացել են ծախսված գումարը դուրս գրել հետագա 5 տարիների ընթացքում սպառված էլեկտրաէներգիայի դիմաց վճարներից։ Ստացվում է, որ ՀԷՑ-ը սպառողին ցանցին միացնելու համար գումար չունի, բայց մեկ ավտոմեքենայի վարձակալության համար ամսական 700 հազար դրամ ի վիճակի է վճարել»,–գրում է թերթը։
Մանրամասները՝ թերթի այսօրվա համարում։
