Արցախի Հանրապետության Նախագահ Բակո Սահակյանն այսօր ընդունել է բարոնուհի Քերոլայն Քոքսին և նրա գլխավորած պատվիրակությանը: Այս մասին հայտնում են Նախագահի աշխատակազմի տեղեկատվության գլխավոր վարչությունից :
Նախագահ Սահակյանն արժևորել է բարոնուհու կողմից պարբերաբար Արցախ կատարվող այցերը, պատվիրակության կազմի շարունակական ընդլայնումը՝ այն համարելով կարևոր Արցախը ճանաչելու և մեր երկրի ու ժողովրդի հետ բարեկամական կապերն ամրապնդելու տեսանկյուններից:
