Աշխարհի լավագույն նկարիչներից մեկի՝ հոլանդացի Վինսենտ վան Գոգի հանրահայտ «Արևածաղիկներ» կտավի 2 տարբերակները վերջին 65 տարվա ընթացքում առաջին անգամ «իրար են հանդիպել»։
Ինչպես նշում է Daily Mail-ը, կտավները կողք կողքի կցուցադրվեն Մեծ Բրիտանիայի ազգային պատկերասրահում։
Պատկերասրահը կտավներից մեկը գնել է նկարչի ընտանիքից՝ 1924թ., իսկ մյուս օրինակը վերցրել է Ամստերդամում Վան Գոգի թանգարանից։
Սակայն «Արևածաղիկներն» ունի ևս 3 կրկնօրինակ, որոնք ևս պատկանում են վան Գոգի վրձնին։ Դրանք այժմ պահվում են Տոկիոյում, Մյունխենում ու Ֆիլադելֆիայում։
