Ռուսաստանի ԱԻՆ-ը նախատեսում է ամերիկացի գործընկերների հետ երկնաքարերից սոցիալական ենթակառույցների օբյեկտները եւ բնակչությանը պաշտպանելու համակարգ ստեղծել, հայտարարել է նախարար Վլադիմիր Պուչկովը:
«Անցյալ տարի Չելյաբինսկի երկնաքարի ընկնելը ցույց տվեց, որ տիեզերքից վտանգները կարող են իրական լինել եւ ոչ պակաս ավերիչ, քան, ասենք, խոշոր հրդեհները կամ բնական աղետները: Ամերիկացի գործընկերների հետ համատեղ նախատեսում ենք համագործակցել երկնաքարային վտանգի դեմ պաշտպանության համակարգ ստեղծելու ոլորտում»,-ասել է Պուչկովը, հայտնում է «Ռոսիյսկայա գազետան»:
Նա նաեւ հավելել է, որ այս տարի ճգնաժամային կենտրոնների եւ արտակարգ իրավիճակների ու հրդեհների կանխատեսման տիեզերական դիտարկման խոշոր ցանց կստեղծվի։
