«Մեզ մոտ ճարտարապետն էր ցնդո և գյուղապետն էր ցնդո». մշակույթի փոխնախարարի մշակութային բառապաշարը

168.am կայքում հրապարակված մշակույթի փոխնախարար Արև Սամուելյանի հարցազրույցը ( http://168.am/2015/08/10/524455.html ) պարզապես խայտառակություն է: Օձունի վերականգնման մասին նրա խոսքը լի է ոչ միայն ապատեղեկատվությամբ, այլև փոխնախարարին ոչ վայել, չափի սահմանն անցնող, իր բառապաշարի «շտեմարանից» օգտագործված ժարգոնային (…«մեզ մոտ ճարտարապետն էր ցնդո և գյուղապետն էր ցնդո») արտահայտություններով: Սա, իհարկե, ինքնապաշտպանության միջոց է` իրականությունը չընդունող, կամքից թույլ մարդու:

Արև Սամուելյանը չափի զգացողությունն այնքան է կորցրել, որ մոռանում է, որ երբ ես 30 տարի առաջ սկսեցի զբաղվել Օձունի տաճարի հետազոտությամբ ու ուսումնասիրությամբ, վերջինս կարմիր վզկապով դպրոց էր հաճախում, և առավել ևս մոռացել է, որ անցյալ տարի հուշարձանների օրվա կապակցությամբ «ԱՐ» հեռուստաընկերության լրագրողի հետ հանդիպումից առաջ զանգահարեց ինձ՝ խնդրելով, որ շատ չլուսաբանեմ Հնեվանքում իրենց կողմից կատարված խայտառակ վերականգնողական աշխատանքները:

Օձունի վերականգնման նախագծի հեղինակ, ճարտարապետ Միշա Հակոբյան