Նախագահ Բակո Սահակյանն այսօր այցելել է հանրապետության հյուսիսային հատվածում տեղակայված մի շարք զորամասեր:
Նախագահը ծանոթացել է ծառայության ընթացքին ու պայմաններին և զինվորների առօրյային: Այս մասին տեղեկացնում են Արցախի նախագահի աշխատակազմի տեղեկատվության գլխավոր վարչությունից:
Երկրի ղեկավարն ընդգծել է, որ պաշտպանության բանակի մարտունակության հետևողական բարձրացումը, նոր զինտեխնիկայով համալրումը եղել է ու կմնա պետության կարևորագույն առաջադրանքներից մեկը, և այսուհետ էլ կարվի հնարավորն այս ուղղությամբ:
Նախագահին ուղեկցում էին պաշտպանության նախարար Լևոն Մնացականյանը, պաշտոնատար այլ անձինք:
