«Մինսկի խումբը ծրագրում է սեպտեմբերին հասնել Հայաստանի և Ադրբեջանի արտգործնախարարների հանդիպմանը ՄԱԿ-ի գլխավոր ասամբլեայի նստաշրջանի շրջանակներում»,- այս մասին հայտնել է ԵԱՀԿ-ի Մինսկի խմբի ամերիկացի համանախագահ Ջեյմս Ուորլիքը ադրբեջանական APA լրատվամիջոցին
Դեսպան Ուորլիքը ասել է նաև, որ ԵԱՀԿ-ի Մինսկի խմբի համանախագահները աշնանը այց են նախատեսում տարածաշրջան, սակայն առայժմ նա հստակ ամսաթվեր չի նշել:
Նա հավելել է նաև, որ ամենաբարձր մակարդակի հանձնառությունը վերահաստատելու անհրաժեշտություն է զգացվում` հակամարտության խաղաղ կարգավորման լուծում գտնելու համար: