Ամերիկյան Թրենթոն քաղաքում տարրական դասարանների ուսուցիչ Առնոլդ Անդերսոնը դատարանի առաջ է կանգնել՝ երկու տարվա ընթացքում 111 անգամ աշխատանքից ուշանալու պատճառով, հաղորդում է Lenta.ru-ն։
«Ես վատ սովորություն ունեմ. սիրում եմ նախաճաշել առավոտյան։ Ես ստիպված եմ հրաժարվել դրանից»,- բացատրել է Անդերսոնը։
Նրա խոսքով՝ ուշացումները հիմնականում չեն գերազանցում 2 րոպեն։ Նա միայն 1 անգամ է ուշացել 10 րոպե, քանի որ ճանապարհին փչացել է ավտոմեքենան։
Նշվում է, որ 2013-2014 ուսումնական տարում նա աշխատանքային կարգը խախտել է 65, իսկ ընթացիկ տարում՝ 46 անգամ։
