Ռուսաստանի կառավարությունը չորեքշաբթի կայացած նիստում որոշել է նախագահ Վլադիմիր Պուտինի ստորագրությանն ուղարկել Բելառուսի տարածքում ռուսական ավիաբազա ստեղծելու մասին Ռուսաստանի և Բելառուսի միջև համաձայնագիրը:
Այս մասին ասված է նախարարների կաբինետի կայքում հրապարակված հաղորդագրությունում, փոխանցում է Gazeta-ն:
Հաղորդագրության մեջ նշվում է.
«Համաձայնագրի ստորագրումը կնպաստի օդային տարածքում Միության պետությունների արտաքին սահմանների համատեղ պաշտպանության կազմակերպմանը եւ Ռուսաստանի եւ Բելառուսի հակաօդային պաշտպանության Տարածաշրջանային միասնական համակարգի ստեղծմանը»:
