Այսօր՝ սեպտեմբերի 7-ին, ՖԲ օգտատեր Վահան Դավթյանը գրառում էր կատարել, որը հրապարակվել է նաև Analitik.am-ում: Գրառման մեջ մասնավորապես ասվում էր, որ «Հայկական վերածնունդ»-ին միացած «Գեղամա» ՀԿ-ն ուղղակի գոյություն չունի՝ հղում անելով իրավաբանական անձանց պետական ռեգիստրի էլեկտրոնային համակարգին:
Գրառման հետ կապված խմբագրություն զանգահարեց «Հայկական վերածնունդ» հասարակական-քաղաքական միավորման մամուլի խոսնակ Վահե Մոսինյանը, ով ասաց, որ «Գեղամա» ՀԿ նախագահ Ա. Մանուկյանն անձամբ ստորագրել և միացել է «Հայկական վերածնունդ» հասարակական-քաղաքական միավորմանը՝ որակելով Վահան Դավթյանի գրառումը որպես հերյուրանք: Նա նաև խոստացավ, որ խմբագրություն կբերի ստորագրված համաձայնագիրը և ստորագրման արարողության տեսագրությունը:
