ԱՄՆ պետքարտուղարության ներկայացուցիչ Ջոն Կիրբին ճեպազրույցի ընթացքում մեկնաբանել է Լեռնային Ղարաբաղում սեպտեմբերի 13-ին կայանալիք ՏԻՄ ընտրություններն ու կարևորել Ղարաբաղի բնակչության դերակատարությունն իր ապագան որոշելու հարցում։
«Մենք ճանաչում ենք Լեռնային Ղարաբաղի ժողովրդի դերակատարությունն իր ապագան որոշելու հարցում՝ չնայած ԱՄՆ-ն Լեռնային Ղարաբաղը որպես անկախ ինքնիշխան պետություն չի ճանաչում»,- հայտարարել է պաշտոնյան՝ միաժամանակ նշելով, որ իրենք չեն ճանաչելու սեպտեմբերի 13-ին կայանալիք ընտրությունների արդյունքները, և «այն չի ազդելու շրջանի իրավական կարգավիճակի վրա»:
«Մենք նաև ընդգծում ենք, որ «ընտրությունները» որևէ կերպ չեն կարող կանխորոշել Լեռնային Ղարաբաղի վերջնական կարգավիճակը կամ բանակցությունների ելքը՝ շրջանում տևական և կայուն խաղաղության հաստատման համար»,-ասել է Կիրբին։
