Կանանց և տղամարդկանց ուղեղների նեյրոնային ցանցերը տարբերվում են՝ պարզել են ամերիկացի գիտնականները, որոնց հոդվածը հրապարակվել է PNAS ամսագրում:
Մասնավորապես, նրանք նկատել են, որ տղամարդկանց մոտ նեյրոնային ցանցերը տեղակայված են այնպես, որ հեշտանում է տեղի ունեցող իրադարձությունների ընկալումն ու գործողությունների համակարգումը:
Իսկ ահա կանանց մոտ նեյրոնային ցանցերը տեղակայված են աջ և ձախ կիսագնդերի միջև, ինչը նպաստում է ինտուիտիվ և վերլուծական գործընթացներին:
Հետազոտողների կարծիքով՝ գլխուղեղի կառուցվածքում այդ տարբերությունները ցույց են տալիս, թե ինչու են տղամարդիկ ու կանայք հաջող կատարում տարբեր հանձնարարություններ:
