Ճանապարհային ոստիկանությունը բազմիցս հորդորել է վարորդներին, որպեսզի տրանսպորտային միջոցները վարելու ժամանակ բեռնատար թափքերի մեջ կանգնած վիճակում ուղևորներ չփոխադրեն, գրում է Shamshyan.com-ը:
Վերջին ժամանակներս հանրապետությունում, հիմնականում` մարզերում, տեղի են ունեցել մի քանի ճանապարհատրանսպորտային պատահարներ բեռնատարների մասնակցությամբ, որի ժամանակ թափքում եղած մարդիկ վթարից հետո մարմնական վնասվածքներով տեղափոխվել են հիվանդանոց, որոշ դեպքեր էլ, ցավոք, ողբերգական ավարտ են ունեցել: Այսօր` սեպտեմբերի 14-ին, Կոտայքի մարզի Արամուս գյուղում ֆոտոլրագրող Գագիկ Շամշյանի ֆոտոխցիկը արձանագրել է նման մի իրավիճակ, երբ, հավանաբար, ընտանիքի հայրը ծաղիկներ էր տեղափոխում վաճառքի, իսկ թափքում կանգնած էր անչափահաս աղջնակը:
Լուսանկարները` Գագիկ Շամշյանի
