Mk.ru կայքի փոխանցմամբ՝ ԱՄՆ-ում աշխարհագրության ուսուցիչ Շենոն Լամբը, որը, իրավապահ մարմինների տվյալներով, հավանաբար եղել է Delta State համալսարանի շենքում երկուշաբթի իրականացված հրաձգության հեղինակը, ինքնասպան է եղել:
Հայտնի է, որ ոստիկանությանը հաջողվել է Լամբին գտնել Գրինվիլ քաղաքի շրջանում: Տեսնելով իրավապահներին՝ նա փորձել է փախչել, սակայն ավելի ուշ ինքնասպան է եղել:
45-ամյա Լամբը կասկածյալ էր նաև 41-ամյա Էմի Փրենթիսի սպանության գործով՝ կնոջ, որի հետ ապրում էր:
