Այսօր Ազգայն ժողովում հայտարարությունների ժամին իր ելույթում ԱԺ Արտաքին հարաբերությունների մշտական հանձնաժողովի նախագահ Արտակ Զաքարյանը հայտնեց, որ թուրքալեզու երկրների համագործակցության խորհրդի գագաթաժողովում Ալիևի հայտարարություններն այն մասին, որ Լեռնային Ղարաբաղը և Զանգեզուրը իբրև թե պատմական ադրբեջանական տարածքներ են, բնութագրվում է մեկ բառով` քաղաքական մառազմ:
Պատգամավորի խոսքով, թյուրքալեզու երկրների համագործակցության խորհրդի աշխատանքներին մասնակցող ներկայացուցիչները լավ գիտեն, թե որն է իրականությունը և հատկապես ինչու է Իլհամ Ալիևը իր երևակայության հետևից ընկած հասել Զանգեզուր:
Արտակ Զաքարյանը նշեց, որ ոտնձգությունն այլ պետությունների տարածքների նկատմամբ դատապարտելի է միջազգային բոլոր նորմերով ու սկզբունքներով:
