Հայաստանի Զինված ուժերը շարունակում են առաջվա պես կատարել իրենց առջեւ դրված խնդիրները։ Այս մասին այսօր լրագրողներին հայտարարեց Հայաստանի պաշտպանության նախարար Սեյրան Օհանյանը։
«Հրադադարի ռեժիմի խախտման դեպքերը չպետք է անհանգստության առիթ դառնան։ Մենք ի վիճակի ենք պատասխան տալ մանր միջադեպերին եւ մեծ մարտահրավերներին: Ադրբեջանական կողմը վերջին ժամանակներս մեծացրել է հայկական դիրքերի դեմ օգտագործվող զենքի տրամաչափը։ Մյուս կողմից վերջին ժամանակներս կրակոցների հաճախականությունը փոքր-ինչ պակասել է։»,- ասել է Օհանյանը։
