Այսօր Ազգային ժողովի արտահերթ նիստում դիմելով «Ժառանգություն» խմբակցության անդամ Զարուհի Փոստանջյանին, իր ելույթում ԱԺ Հանրապետական խմբակցության ղեկավար Վահրամ Բաղդասարյանը հայտարարեց.
«Շատ հետաքրքիր էր մեր խմբակցություններից մեկը, որտեղ հինգ անդամներից 4-ը կամ կողմ են, կամ դեմ չեն, բայց նրանցից մեկը ելույթ է ունենում խմբակցության անունից: Ուզում եմ ասեմ՝ այ աղջիկ ջան, ո՞ւմ անունից ես ելույթ ունենում, ինչի՞ ես էդպես ոգևորվել, այնտեղ նստած են անհատականություններ»:
Բաղդասարյանի խոսքով, այս կառավարման համակարգին կատեգորիկ դեմ լինելու համար առնվազն պետք է «անձնական պատճառներ ունենալ»:
«Մարդը ինչքան անամոթ պետք է լինի, որ այս ամբիոնից հայտարարի, որ Սահմանադրական բարեփոխումների զեկույցը տապալվեց», -հայտարարեց Բաղդասարյանը:
