Թուրքիայում հետաքննություն է սկսվել լրագրող Հասան Ջեմալի նկատմամբ, ով տխրահռչակ Ջեմալ փաշայի թոռն է։ Պատճառը Հասան Ջեմալի «Թափվող արյան թիվ մեկ պատասխանատուն պալատի սուլթանն է, վերջակետ» հոդվածն է։
Թուրքական Hürriyet թերթի փոխանցմամբ՝ այդ հոդվածում, որը T24 կայքում հրապարակվել է օգոստոսի 12-ին, Հասան Ջեմալն անդրադարձել է Թուրքիայում վերսկսված զինված բախումներին ու արյունահեղությանը՝ նշելով, որ այդ ամենի համար պատասխանատուների գլխավերևում կանգնած է նախագահ Ռեջեփ Էրդողանը և ոչ թե մեկ ուրիշը։
Հիշեցնենք, որ Հասան Ջեմալը 2012 թվականին հրատարակել է «1915. Հայոց ցեղասպանություն» գիրքը։
